Persverklaring
29 Oktober 2021
Dienslewering in Kaapstad: Fokus op water en elektrisiteit
CA1st verstaan dat die stad inkomste moet kry om te kan voortbestaan. Ons is ook bewus van die koste van basiese dienste, soos water en elektrisiteit en die verwydering van rioolvuil wat duurder word. Dit het min invloed op die hoër middelklas en die rykes, maar dit het ‘n beduidende impak op die armes en werkloses en die groeiende laer middelklas in Kaapstad.
Die koste van hierdie dienste toon hoe die stad inkomste kry en waaraan die geld bestee word. As gevolg hiervan, wil die CA1st ‘n volledige ontleding van die stad se begroting doen en prioriteite verskuif om ongelykheid te beëindig en voorspoed in die toekoms te bring, in plaas van net die begroting in balans te bring.
“Water en elektrisiteit is basiese menseregte. As ons verkies word, verminder ons die toeslag op water en elektrisiteit onmiddellik met 50% en sal ons dit oorweeg om die toeslag heeltemal te kanselleer. “Mense moenie die moeilike besluit neem tussen die betaling van water en elektrisiteit, en die koop van kos nie” sê adv. Rod Solomons, burgersmeester’s kandidaat van CA1st.
Uitgereik deur: Zahra Ismail, Mediabeampte van CA1st
Kontak nommer: 0742916631